Чингэлтэй дүүрэг 2023 оныг “Үйлдвэрлэлийг дэмжих жил” болгон зарласан билээ. Энэ хүрээнд оёдлын салбарын үйлдвэр эрхлэгчдийн дунд “Уран үйлчин-2023” уралдааныг зохион байгуулж байна.
Тэднийг бодлогоор дэмжих, ажлын байраар хангах, ядуурлыг бууруулах, инновацийг хөгжүүлэх, ажил олгогчдод ирж буй татварын дарамтыг багасгах, хүний нөөцийн тогтвортой нөхцөлийг хангах зорилгоор олон ажлыг шат дараатай зохион байгуулж байгаа юм. “Уран үйлчин-2023” уралдаан хоёр үе шаттай явагдана. Тестийн болон ур чадварын төрлөөр үндэсний хувцас, европ хувцас, хөдөлмөр хамгааллын хувцас гэсэн гурван төрлөөр зохион байгуулагдах юм.
