Ослын улмаас Амазоны ширэнгэн ойд 40 хоног төөрсний эцэст эсэн мэнд олдсон 4 хүүхдийг олон нийт “Ширэнгийн хүүхдүүд” гэж нэрлээд байна.
5 сарын 1 нд нэгэн гэр бүлийг тээвэрлэж явсан жижиг оврын нисдэг тэрэг Амазоны ширэнгэн ойд осолдсоны улмаас тус гэр бүлийн эцэг эх нь нас барж, бага насны 4 хүүхэд нь ор сураггүй алга болсон юм. Аврах баг 4 хүүхдийг 40 хоногийн турш хайсны эцэст өнгөрсөн амралтын өдөр бүгдийг нь эсэн мэнд олсон байна. Тэднийг олох үед өлсөж цангасан, ядарсан байдалтай байсан ч 4 жаахан хүүхэд ширэнгэн ойд 40 хоног хэрхэн тэсч үлдсэн бэ гэдэг олны анхаарлыг татаж байна.
Тэд Колумбын Хүитото гэх омгийн уугуул иргэд байсан бөгөөд хүүхдүүддээ багаас нь байгальд хэрхэн аж төрөх, аюулгүй байх, байгалиас хэрхэн хоол олж идэх талаар зааж сургаж байсан нь эдгээр хүүхдийн аминд орлоо гэж Колумбын ерөнхийлөгч хэвлэлийнхэнд ярьжээ. Мөн хүүхдүүдийн авга эгчийнх нь хэлснээр тэдний эцэг эх хүүхдүүдтэйгээ “амьд үлдэх нь” гэх тоглоомыг тоглодог байсан нь хүүхдүүдэд олон зүйлийг зааж сургажээ.
Эх сурвалж: BBC
