2023 оны нэгдүгээр ээлжийн цэрэг татлагын ажлыг улсын хэмжээнд зохион байгуулж байгаа билээ. Ингэхдээ эрүүл мэнд болон бусад болзол нөхцөлийг хангасан залуусыг цэрэгт татдаг. Учир нь,Цэргийн албанд бие бялдрын ачаалал маш их байдаг учраас эрүүл мэндийн үзлэгт онцгой анхааран ажиллаж байгааг албаныхан хэлж байна.
Гэтэл сүүлийн жилүүдэд цэргийн албанд татагдах залуус дунд эрүүл мэндийн хувьд тэнцэхгүй, суурь өвчтэй залуусын тоо олширчээ. Эрүүл мэндээрээ тэнцээгүй залуусын дунд чих, хамар, хоолойн өвчин, сүрьеэ, элэг ходоодны өвчин зонхилж байгааг мэргэжлийнхэн хэлж байна.
Энэ тухай НЗДТГ-ын Цэргийн штабын дарга Г.Ялалтын хэлснээр “Цэрэг татлагат ирж байгаа залуусын 30-40 хувь нь эрүүл мэндээрээ тэнцдэггүй. Цэргийн алба хаах хүсэл сонирхолтой залуус байдаг. Гэтэл эрүүл мэнд нь тэнцэхгүй бол хэцүү.
Өнгөрсөн жил оюутан цэрэг бүртгэл дээр даралт нь 170 хүрсэн хүүхэд байсан. Гэтэл тэр хүүхдийн амьдралын хэв маяг маш буруу. Өглөө босоод өглөөний цай уудаггүй, ус уудаггүй, шөнө ерөөсөө унтдаггүй гар утсанд донтчихсон хүүхэд байсан юм билээ. Ер нь ирж байгаа хүүхдүүдийн нүдний хараа муу, шүдний өвчлөл ерөөсөө буурдаггүй” гэх мэт шалтгаанууд байдаг” гэв.
